Монгол улсын Соёлын гавьяат зүтгэлтэн, Ардын уран зохиолч, Төрийн шагналт Шаравын Сүрэнжав аймгийн музейгээр зочиллоо

Монгол улсын Соёлын гавьяат зүтгэлтэн, Ардын уран зохиолч, Төрийн шагналт Шаравын Сүрэнжав төрөлх нутгийнхаа  музейгээр зочилон, хурал, цуглаан, телевизийн нэвтрүүлэг зэрэг бүхий л арга хэмжээнд өмсөж байсан хослол, Хоёрдугаар Богд Живзундамба хутагтын хөрөг зураг, гэрэл зургийн хамт музейн сан хөмрөгт хандивлалаа. Зохиолч, яруу найрагч Ш.Сүрэнжав болон түүний үр хүүхдэд эрүүл энх, аз жаргалыг хүсье.    (more…)

“ТӨВ ТҮМНИЙ ЦЭНГЭЛ 2018” АНХДУГААР БАЯР НААДМЫН АРГА ХЭМЖЭЭНД АЙМГИЙН МУЗЕЙГЭЭС “МОНГОЛ АХУЙ” ҮЗЭСГЭЛЭНГ ЗОХИОН БАЙГУУЛЛАА

2018.07.25 Аймгийн Засаг даргын 2018 оны А/441 дүгээр захирамжаар Монгол үндэсний уламжлалт зан заншил, нүүдэлчдийн соёл, амьдралын хэв маяг, байгаль, хүн, мал аж ахуйн өвөрмөц харилцан шүтэлцээг илэрхийлсэн аялал жуулчлалын эвент арга хэмжээ “Төв түмний цэнгэл 2018” анхдугаар баяр наадмын арга хэмжээ 7 сарын 22-нд Баянцогт суманд зохион байгуулагдлаа.  Төв түмний баяр наадмын арга хэмжээнд шигшмэл азарга, их нас,  соёлон насны нийт 336 хурдан морины уралдаан, хүчит 80 бөхийн барилдаан, үндэсний сурын 30 харваач, шагайн харваа болон монголын соёлын илэрхийлэл болсон хүрээ цамын бүжиг, шилдэг хос морьтон, сайхан эдлэл хэрэглэл шалгаруулах, айрагны баяр, дэмбээний тэмцээн, үзэсгэлэн худалдаа зохион байгуулагдлаа.    (more…)

МУ-ЫН ХӨДӨЛМӨРИЙН БААТАР, АРДЫН ЖҮЖИГЧИН, ТӨРИЙН СОЁРХОЛТ Г.ГОМБОСҮРЭНГИЙН “АМЬДРАЛ УРАН БҮТЭЭЛ” ҮЗЭСГЭЛЭН АЙМГИЙН МУЗЕЙД ДЭЛГЭГДЛЭЭ

2018.07.16 Монгол Улсын Хөдөлмөрийн баатар, Төрийн шагналт, Ардын жүжигчин Гомбожавын Гомбосүрэнгийн мэндэлсний 100 жилийн  ойг, Их монгол улс байгуулагдсаны 812, Ардын хувьсгалын 97, Төв аймаг байгуулагдсаны 95 жилийн баяр наадамын хүрээнд хамтатган  2018 оны 7 дугаар сарын 9, 10-нд өргөн дэлгэр тэмдэглэн өнгөрүүллээ. Монгол Улсын Хөдөлмөрийн баатар, Ардын жүжигчин, Төрийн шагналт Г.Гомбосүрэн агсаны 100 жилийн ой тохиож байгаатай холбогдуулан Г. Гомбосүрэнгийн “Амьдрал, уран бүтээлийн уулзалт өдөрлөг”-ийг   аймгийн Солонго цогцолборт зохион байгуулсан бөгөөд уулзалтад Аймгийн ЗДТГ-ын дарга Ч.Сарангэрэл, МУАЖ Д.Мэндбаяр, МУАЖ Ж.Лхамхүү, МУГЖ Г.Равдан МУГЖ, Монголын урлагийн ажилтны холбооны ерөнхийлөгч Б.Тунгалаг болон Г.Гомбосүрэн агсны охин Г.Энхтайван нар оролцож энгүй авьяасын ундарга болсон эрхэм хүнийг дурсан, сэтгэлдээ тодрох дурсамжаа эргэн санан, халуун дотно яриа өрнүүлсэн юм. (more…)

“ЧУЛУУН СОЁЛЫН ӨВИЙН ХАДГАЛАЛТ, ХАМГААЛАЛТ” СУРГАЛТАНД МУЗЕЙН АЖИЛТНУУД ХАМРАГДЛАА

Соёлын Өвийн Үндэсний төв, Австри улсын Венийн хэрэглээний урлагийн их сургуулийн хадгалалт, хамгаалалтын хүрээлэнтэй хамтарсан “ЧУЛУУН СОЁЛЫН ӨВИЙН ХАДГАЛАЛТ, ХАМГААЛАЛТ” сургалтыг 2018 оны 06 сарын 12-14-ний өдрүүдэд Төв аймгийн Дэлгэрхаан сумын Их хөшөөт хэмээх газар орших Түрэгийн Кул-чурын  гэрэлт хөшөө бүхий цогцолбор дурсгалт газрыг түшиглэн зохион байгуулж, сургалтанд Соёлын өвийн Үндэсний төв болон Төв, Дундговь аймгийн Музейн дарга, мэргэжилтнүүд хамрагдлаа. Урилгаар Венийн Хэрэглээний урлагийн их сургуулийн Хадгалалт, хамгаалалтын хүрээлэнгийн профессор Ёоханнес Вэбэр /Чулуун материал, түүний оношилгоо шинжилгээ”, Венийн хэрэглээний урлагийн их сургуулийн Хадгалалт, хамгаалалтын хүрээлэнгийн судлаач Марияа Милчин /магистр/ “ Чулуун дурсгалын гэмтлийн хэлбэрүүд ба хадгалж, хамгаалах аргууд (толбо тогтох, цэвэрлэгээ ба чулууны үндсэн гадаргыг   сэргээх)”, судлаач Мартина Хасэлбэргэр “2016 онд Их хөшөөтийн Кул-Чурын дурсгал дээр хадгалалт, хамгаалалтын талаар хийсэн судалгааны товч мэдээлэл” зэрэг сэдвийн дор онол дадлагын сургалтыг хийсэн. Сургалтаар Их Хөшөөтийн цогцолбор дурсгал дээр цэвэрлэгээ хэрхэн хийх, цэвэрлэгээ хийх бодисоо хэрхэн тест хийж сонгох, цэвэрлэгээ хийхэд ямар багаж хэрэглэх, дундуураа хагарсан чулуун дурсгалыг хэрхэн нийлүүлэх зэрэг сэргээн засварлах практик сургалтыг хийлээ. Мөн Дэлгэрхаан сумын нутагт байх Цогтын дуут хадны бичээсийн дурсгал дээр биеэр очин дурсгалын гэмтэл, өгөршилийн тандалтын судалгааг хийж, Венийн Хэрэглээний урлагийн их сургуулийн Хадгалалт, хамгаалалтын хүрээлэнгийн профессор Ёоханнес Вэбэр, судлаач Марияа Милчин, Мартина Хасэлбэргэр нар Дуутын дурсгалаас лабораторын шинжилгээ хийхээр чулууны дээж авсан. Уг сургалтын үеэр Дэлгэрхаан сумын удирдлагууд хүлээн авч уулзахдаа Их Хөшөөт буюу Кул-Чурын дурсгалын хадгалалт, хамгаалалтыг сайжруулахаар энэ оны 7 сард орон нутгийн төсвөөр хашаажуулна хэмээн Дэлгэрхаан сумын ИТХ-ын дарга Д.Цэцгээ, Засаг даргийн орлогч А.Цэдэн-Иш нар тус мэдэгдсэн.   ТӨВ АЙМГИЙН МУЗЕЙН МЭРГЭЖИЛ АРГА ЗҮЙН ЗӨВЛӨЛ  

“МӨСТЛӨГИЙН ҮЕИЙН ҮЛЭМЖ БИЕТНҮҮД” ҮЗЭСГЭЛЭНГ ЗУУНМОДЧУУДАД СУРТАЛЧЛАН АЖИЛЛАСАН АЯНЫ ТАЙЛАН

  • Permalink Gallery

    “МӨСТЛӨГИЙН ҮЕИЙН ҮЛЭМЖ БИЕТНҮҮД” ҮЗЭСГЭЛЭНГ ЗУУНМОДЧУУДАД СУРТАЛЧЛАН АЖИЛЛАСАН АЯНЫ ТАЙЛАН

2018.06.06   Аймгийн 2018 оны үндсэн чиглэл, Аймгийн Музейн үйл ажиллагааны төлөвлөгөөний дагуу ШУА-ын палеонтологийн хүрээлэнтэй хамтарсан “МӨСТЛӨГИЙН ҮЕИЙН ҮЛЭМЖ БИЕТНҮҮД” палеонтологийн үзэсгэлэнг дэглэж, “Палеонтолгийн тухай хэн сайн мэдэх вэ?” сэвдийн хүрээнд Төв аймгийн Зуунмод сумын ЕБС-ийн сурагчид, цэцэрлэгийн хүүхдүүдийг анги хамт олноор нь үзүүлэх төлөвлөгөөт аяныг өрнүүлж ажиллаа.   (more…)

Ерөнхий боловсролын “Оюуны нахиа” бүрэн дунд сургуультай хамтран Төв аймгийн музейгээс зохион байгуулсан ажлын тайлан

2018.05.23. Оюуны нахиа сургуультай хамтран ажиллаа Нийслэлийн Баянгол дүүрэгт байрлах Ерөнхий боловсролын “Оюуны нахиа “ бүрэн дунд сургуулийн  2017-2018 оны хичээлийн жилийн “Байгаль хамгаалах” эко хичээлийн хаалтын ажиллагааг хамтран хийх хүсэлтийн дагуу тус сургуулийн 2- 12 дугаар ангийн 160-аад сурагчдыг хамруулан доорхи ажлуудыг 2018 оны 5 дугаар сарын 23-ны өдөр хийлээ.Үүнд: Төв аймгийн болон Манзушир дахь Байгаль, Шашны музей, дөрөвдөгч галавын үе буюу мөстлөгийн үеийн амьтад болох арслан заан, савагт хирс, одос үхрийн олдвороор дэглэсэн “Мөстлөгийн үеийн үлэмж биетнүүд” үзэсгэлэнг  үзүүлж тайлбарласан. Дархан цаазат Богдхан уулын тухай болон байгаль хамгаалалын талаар товч яриа хийсэн. Манзушир дахь Байгалийн музей орчмын 1га орчим талбайн орчны цэвэрлэгээ хийн хог түүж, хогийн цэгт хураасан. “Оюуны нахиа” сургуулийн ахлах ангийн сурагчид хийж ирсэн шувууны үүр байгальд байрлуулан тогтоосон.        ТӨВ АЙМГИЙН МУЗЕЙ

ОЛОН УЛСЫН МУЗЕЙН ӨДРИЙГ ТЭМДЭГЛЭН ӨНГӨРҮҮЛЛЭЭ

Төв аймгийн музейгээс Олон улсын музейн өдрийг угтан 2018 оны 05 сарын 18-ны өдөр “Хишиг өдөр” уулзалт ярилцлага, музейн ажилтнуудын дунд нөхөрсөг спортын тэмцээн, “Монгол ахуй” нүүдлийн үзэсгэлэн зэрэг арга хэмжээг амжилттай зохион байгууллаа.  ОЛОН УЛСЫН МУЗЕЙН ӨДРИЙГ ТЭМДЭГЛЭН ӨНГӨРҮҮЛЛЭЭ-hynasan (more…)

НЭЭЛТТЭЙ ХААЛГАНЫ ӨДРИЙГ “ЗААМАР” СУМАНД ЗОХИОН БАЙГУУЛЛАА

  • Permalink Gallery

    НЭЭЛТТЭЙ ХААЛГАНЫ ӨДРИЙГ “ЗААМАР” СУМАНД ЗОХИОН БАЙГУУЛЛАА

2018.05.17   Аймгийн музейн үйл ажиллаганы төлөвлөгөөнд тусгагдсаны дагуу 2018 оны 05 сарын 16-ны өдөр Нийгмийн бодлогын хэлтсийн харъяа Нийтийн номын сан, Монгол туургатан театр, Биеийн тамир спортын газартай хамтран “Заамар” суманд “Нээлттэй хаалганы өдөр” –ийг зохион байгуулж ажиллалаа. Уг арга хэмжээнд музейгээс үйл ажиллагааны тайланг pdp хэлбэрээр музейн арга зүйч Э.Оюун танилцуулж, “Манзушир хийдийн түүхэн гэрэл зураг” –аар нүүдлийн үзэсгэлэн зохион байгуулж Заамар сумын нийт 142 төрийн албан хаагч болон сурагчдад тайлбартай үзүүлж, үйл ажиллагаанд оролцсон иргэдээс асуулга судалгаа авч ажилласан. Мөн сумын Соёлын төвийн эрхлэгч болон ОНС музей хариуцсан ажилтанд дараах мэргэжил арга  зүйн зөвлөгөөг өгч ажиллаа. Хөдлөх дурсгалын ерөнхий бүртгэлийн дэвтэрт хөтөлсөн байдал, тушаал гаргасан эсэх, Соёлын өвийг өвлөн тэгчдийн бүртгэл, судалгаа, Хувь хүний гар дээрх өвийн бүртгэл судалгаа, Түүх соёлын үл хөдлөх дурсгалын бүртгэл, судалгаа, тайланг нэг бүрчлэн үзэж танилцсан бөгөөд шинэ үзмэр авах бүрдээ тушаал гарч баталгаажуулсан байх, өмнөх оны бүртгэл тайлангаа он оноор нь ялгаж архивлах, бүх бүртгэл судалгаа нь холилдсоныг ялгаж цэгцлэх, түүх соёлын үл хөдлөх дурсгалаа тойрон хамгаалалтын ажлыг сайжруулж, солбилцолын 4 талт цэгийг тогтоон газрын зурагт байршуулах бэлтгэл ажлыг хангах. Мөн үл хөдлөх дурсгалаа хувь хүнд гэрээгээр эзэнжүүлэн хамгаалуулах ажлыг хийх. Орон нутаг судлах танхимын үйл ажиллагаа, үзмэр үзүүллэгийн хадгалалт хамгаалалттай танилцан танхимаа цэвэрлэж, үзмэрт ариутгал цэвэрлэгээ хийх, үзмэрийн хаяг тайлбарыг зөв хийж байршуулах зэрэг зөвлөгөөг өгч ажилласан.     Томилолтоор ажилласан: Арга зүйч Э.Оюун, ЭША Ц.Цэцэгжаргал

“Төрийн албан хаагчийн ёс зүйн” сургалтанд Музейн албан хаагчид хамрагдлаа

  • Permalink Gallery

    “Төрийн албан хаагчийн ёс зүйн” сургалтанд Музейн албан хаагчид хамрагдлаа

 2018 оны 05 сарын 11-ний өдөр Аймгийн Монгол Туургатан театрын их танхимд Төв аймгийн Монгол туургатан театр, Нийтийн Номын сантай хамтран “Хууль сурталчлах” 14 хонгийн аяны хүрээнд   ЗДТГ-ын Хууль зүйн хэлтсийн мэргэжилтэн Оюунцэцэгийн  урьж “Төрийн албан хаагчийн ёс зүйн дүрэм” -ээр сургалтыг авлаа. Сургалтанд МТТ, ННС, Музейн нийт 30 гаруй албан хаагчид хамрагдлаа.

Бүх нийтийн мод тарих арга хэмжээнд Музейн ажиллагсад оролцлоо

  • Permalink Gallery

    Бүх нийтийн мод тарих арга хэмжээнд Музейн ажиллагсад оролцлоо

Зуунмод хотын захирагчийн 2018 оны 05 сарын 03-ны өдрийн №04 тоот албан даалгаварыг хэрэгжүүлж 2018.05.12-нд Бүх нийтийн мод тарих өдөрлөгт байгууллагаараа оролцлоо. Энэ өдөр 20 ширхэг хайлаас мод худалдан авч заасан талбайд суулгалаа. Мөн байгууллагынхаа үүдний хашаан дахь ногоон байгууламжийг сэргээж хог, хаягдлыг цэвэрлэн услаж 2ш гацуур мод суулган, цэцгийн мандалдаа үрсэлгээ хийлээ. Нийт ажилчдын 80% ба 14 албан хаагч ажиллалаа.